У Мінску падчас акцыі пратэсту невядомыя з дубінкамі зайшлі ў кватэру шматпавярховіка. Відэа апублікаваў Tut.by.
Невядомыя з дубінкамі забраліся на казырок крамы на Партызанскім праспекце, 19. Відавочца паведаміла, што ўказала на сітуацыю міліцыянерам, але тыя «кіўнулі і з'ехалі».
Гэта адбылося каля 15.30.
Як стала вядома пасля, яны шукалі відэааператара, які здымаў з гэтай кватэры. Па некаторых сведчаннях, яны не выбівалі акно, а зайшлі з пад'езда і з акна выйшлі на казырок.
Як высветліла Свабода, шкло ў кватэры не разбіта. Чалавек у балаклаве трапіў у кватэру праз дзверы. Ён шукаў нейкіх журналістаў, якія знаходзіліся ў гэтым доме. Момант на відэа — гэта зняцце маскітнай сеткі.
Пра гэта расказаў гаспадар кватэры Станіслаў. Ён сам зняў маскітную сетку на патрабаванне чалавека ў балаклаве, пасля чаго той выйшаў на казырок дома. Кім былі людзі ў балаклавах, гаспадар не ведае.
Да пад’езду, дзе нібыта выбілі шкло, прыехалі каля дзесяці чалавек, каб падтрымаць гаспадара кватэры.
Людзі званілі ў ЖЭС, прапаноўвалі сабраць грошы на новую шыбу. Яны раз'ехаліся, калі даведаліся, што шыба не разбітая.
Хто быў сведкам гэтага моманту, хто жыве ў гэтым доме, раскажыце, што гэта было. Пішыце ў тэлеграме ў @NashaNivaBot або на [email protected].
Цяпер чытаюць
Беларускага Сінюю Бараду адпусцілі з расійскай турмы паміраць дома7
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары