Па ўсім Мінску прайшлі ланцугі ў памяць пра Рамана Бандарэнку. На вуліцы выйшлі тысячы людзей ФОТА, ВІДЭА
Сённяшняя акцыя салідарнасці на вуліцах Мінска была найбуйнейшая ад часоў 11-12 жніўня. А 12-й усе вуліцы Мінска гудзелі, стаялі бясконцыя жывыя ланцугі. Цяпер людзі вяртаюцца ў кватэры і офісы. Уздоўж дарог застаюцца плакаты, сцягі і кветкі ў памяць пра забітага Рамана Бандарэнку.
Людзі выйшлі на праспект Незалежнасці, у Малінаўцы, на Пушкінскай, ва Уруччы, Сухараве, іншых месцах. Праходзіць пікет у Заслаўі, Гродне, Магілёве.
13:26
На плошчы Перамен людзі навязваюць бел-чырвона-белыя стужкі
13:25
На некаторых прадпрыемствах і ўстановах аддалі даніну памяці Раману Бандарэнку: МТЗ, Камароўскі рынак, РНПЦ ХТіГ, ГЦ «Ждановічы», цэнтр кіравання Белчыгункі.
13:15
У Серабранцы затрымалі некалькі чалавек, якія арганізавалі стыхійны мемарыял памяці Бандарэнкі.
Тым часам на плошчы Перамен людзі працягваюць несці кветкі.
13:02
Ланцуг ля Філармоніі.
Фота Дар'і Буракінай
Фота Дар'і Буракінай
Фота Дар'і Буракінай
Фота Дар'і Буракінай
12:48
Ланцуг салідарнасці каля Філармоніі, фоты Tut.by
12:45
На Каскадзе і каля ГЦ «Рыга» людзей разагналі.
12:05
На МКАД у раёне Парка высокіх тэхналогій падчас хвіліны маўчання спыніліся тры паласы.
https://t.me/nashaniva/21192
Адбылося некалькі затрыманняў, у тым ліку каля плошчы Незалежнасці.
У гэты самы час ДАІ перакрывае дарогі ў Мінску. Вядома як мінімум пра перакрыццё праспектаў Незалежнасці і Пушкіна. На Прытыцкага машыны спынілі рух, на Дзяржынскага людзі выйшлі на праезную частку.
Памёр Раман Бандарэнка, якога хуткая забрала непрытомным з Цэнтральнага РУУС
Доктар БХМД: У Рамана Бандарэнкі было нуль праміле алкаголю, наогул нічога не знайшлі
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы38
Каментары