Па словах адваката Паўла Сапелкі, гэта азначае, што стан здароўя Аўтуховіча пагоршыўся да той ступені, якая робіць немагчымым яго ўтрыманне ў следчым ізалятары.
Па словах адваката Паўла Сапелкі, гэта азначае, што стан здароўя Аўтуховіча пагоршыўся да той ступені, якая робіць немагчымым яго ўтрыманне ў следчым ізалятары.
Сёння, 19 траўня, Мікалаю Аўтуховічу паведамілі, што яго пераводзяць у Рэспубліканскую бальніцу Дэпартамента выканання пакаранняў МУС. Пра гэта распавёў адвакат Павел Сапелка пасля сустрэчы са сваім падабаронным у следчым ізалятары. Па словах адваката, гэта азначае, што стан здароўя Аўтуховіча пагоршыўся да той ступені, якая робіць немагчымым яго ўтрыманне ў следчым ізалятары, нават ва ўмовах санчасткі. Тым не менш, М. Аўтуховіч працягвае галадоўку і спыняць яе збіраецца толькі пасля выканання яго патрабаванняў.
Мікалай Аўтуховіч знаходзіцца ў следчым ізалятары з 8 лютага 2009 года па абвінавачванні ў падпале маёмасці ў 2005 годзе. Разам з ім па такім жа абвінавачванні арыштаваныя Юры Лявонаў і Ўладзімір Асіпенка.
Адвакат Сапелка нагадаў, што ў якасці патрабаванняў Аўтуховіча -- або змена меры стрымання абвінавачаным па дадзенай справе, або завяршэнне расследавання ў самыя кароткія тэрміны і накіраванне справы ў суд.
Як адзначыў П. Сапелка, рэакцыя на патрабаванні Мікалая Аўтуховіча пакуль адсутнічае: ні на адну са скаргаў ці хадайніцтваў адказу пакуль атрымана не было.
Нагадаем, што ваўкавыскі прадпрымальнік Мікалай Аўтуховіч 16 красавіка абвясціў галадоўку, паколькі лічыць сябе невінаватым. Галадоўка з’яўляецца адзінай законнай ва ўмовах турмы мерай, на якую мог пайсці абвінавачаны, пратэстуючы супраць беззаконня і самаўпраўнасці следчых органаў, адсутнасці пракурорскага нагляду за ходам расследавання яго справы.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары