У адным з цэхаў ААТ «Гродна Азот» абвалілася частка даху.
У адным з цэхаў ААТ «Гродна Азот» абвалілася частка даху.
Надзвычайнае здарэнне адбылося 22 мая каля 13 гадзін у цэху гідраксіламінсульфату, які прымяняецца для вытворчасці фотарэагентаў, кінафотаматэрыялаў, лакаў, паведаміў БелаПАН прэс‑сакратар МНС Віталь Навіцкі.
На плошчы каля 290 квадратных метраў абвалілася частка рабрыстых жалезабетонных пліт двух з сямі пралётаў даху.
Агульная плошча цэха складае 1.728 квадратных метраў (54 на 32). Меркаваная прычына абрушэння — стомленасць металу.
«Пацярпелых няма. Рабочыя самастойна выйшлі з цэха.
Цяпер ён не працуе, але тэхналагічны працэс не перарываўся», — сказаў В.Навіцкі.
10 студзеня з‑за аварыі на гродзенскай ЦЭЦ‑2 на працягу сямі хвілін былі абясточаныя аб’екты прадпрыемстваў «Гродна Азот» і «Гродна Хімвалакно».
Каментары