Церцель заявіў пра выяўленне тайніка з выбухоўкай: Тратылу было дзясяткі кілаграмаў
На тэрыторыі Беларусі нядаўна быў знойдзены тайнік з вялікай колькасцю выбухоўкі. Пра гэта заявіў старшыня КДБ Іван Церцель у эфіры БТ.
Іван Церцель распавёў, што спецслужбы затрымалі ў Беларусі арганізаваную групу асоб, якая рыхтавала тэракты ў краіне. Так, праваахоўнікі ў выніку расследавання выявілі схованкі з вялікай колькасцю выбухоўкі. «Тратыл вылічваецца дзясяткамі кілаграмаў», — заявіў ён.
Аб выяўленні новай групы, у якой канфіскаваныя арсеналы з тратылам і пластыдам, Аляксандр Лукашэнка распавёў 5 сакавіка падчас наведвання мотавелазавода. «Гэта не Аўтуховіча група. Гэта ўжо новыя. Добра, што іх прыкрылі. І там арсеналы. Навошта?» — адзначыў Аляксандр Лукашэнка.
Апошні раз такія заявы гучалі ў 2017 годзе падчас народных пратэстаў супраць «указа аб дармаедах». Тады даставерных доказаў наяўнасці рэальнай тэрарыстычнай групы ў выніку так і не прагучала, а гучна затрыманых неўзабаве вызвалілі. Па тэлебачанні ж паказвалі «тайнік» у Налібоцкай пушчы, у якім была металічная арматура.
Цяпер чытаюць
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам17
Каментары