Сёння ў Магілёве быў вынесены прысуд брэсцкім блогерам Сяргею Пятрухіну і Аляксандру Кабанаву. Ім далі па 3 гады калоніі агульнага рэжыму, паведамляюць правабаронцы.
У Магілёве вынеслі прысуд брэсцкім блогерам Сяргею Пятрухіну і Аляксандру Кабанаву. Суддзя суда Кастрычніцкага раёна Вольга Краўчанка прызнала іх вінаватымі ў арганізацыі і падрыхтоўцы дзеянняў, якія груба парушаюць грамадскі парадак, абразе прадстаўніка ўлады. Пятрухіна таксама прызналі вінаватым у абразе суддзі. Пятрухіна і Кабанава прысудзілі да 3 гадоў калоніі агульнага рэжыму. Саміх блогераў у суд так і не дапусцілі: іх выдалілі з залы суда яшчэ ў пачатку працэсу, усе хадайніцтвы аб удзеле абвінавачаных у працэсе суддзя Краўчанка адхіліла, піша Tut.by.
Дзяржабвінаваўца прасіла суд прызначыць Кабанаву і Пятрухіну па 3 гады ў калоніі агульнага рэжыму. Пятрухіна — яшчэ і абавязаць выплаціць штраф па прысудзе суда Брэста ў 360 базавых (10 440 руб.). Пазоў амапаўца да падсудных у суме 1,5 тысячы рублёў пастаноўлена задаволіць у поўным аб'ёме.
Пазіцыя абвінавачвання зводзілася да таго, што следства і пракуратура лічаць, што масавыя пратэсты па ўсёй Беларусі ў 2020 годзе пачаліся ў тым ліку і з-за Пятрухіна і Кабанава, якія дзейнічалі ў звязку з Сяргеем Ціханоўскім, Мікалаем Статкевічам, Паўлам Севярынцам.
Абарона фігурантаў справы назвала ўсе абвінавачванні здагадкамі, прыведзеныя дзяржабвінаваўцам факты — вырванымі з кантэксту і недатычнымі да Пятрухіна і Кабанава і настойвала на спыненні крымінальнага пераследу.
Суд пачаўся 11 лютага. У суд тады журналістаў недзяржаўных СМІ не пусцілі. А Пятрухіна з Кабанавым суддзя ў выніку выдаліла з залы суда. Так што далей на працэс іх не дастаўлялі.
Згодна з абвінаваўчым заключэннем, падсудныя размясцілі на YouTube-канале «Народны рэпарцёр» фатаграфію амапаўца Віталя Аўтушэнкі з абразлівымі каментарамі. Міліцыянта прызналі пацярпелым, ён спрабаваў спагнаць з абвінавачаных 1,5 тысячы рублёў за маральную шкоду.
Фотаздымак сілавіка з'явіўся ў інтэрнэце пасля ягонага ўдзелу ў затрыманні блогера Сяргея Ціханоўскага пад Магілёвам 6 мая. Фота Аўтушэнкі ўбачыў на YouTube-канале «Народны рэпарцёр» 8 мая. Ён настойваў на тым, што каментар да фільма дэманізуе яго і абражае яго гонар і годнасць. Аўтушэнка паведаміў суду, што ягоныя суседзі перасталі размаўляць з ягонымі бацькамі пасля з'яўлення фатаграфіі.
Яшчэ адзін пацярпелы — суддзя Брэсцкага абласнога суда Андрэй Лешчанка. Паводле абвінаваўчага зняволення, яго абразіў Сяргей Пятрухін.
«Хоць расстрэльвайце — я тут стаяць не буду». Блогераў Кабанава і Пятрухіна выдалілі з суда над імі ж — РЭПАРТАЖ з закрытага пасяджэння
-
Іранка адкрыла ў Мінску арт-кафэ. Там прадаюць рэчы ручной работы і падаюць капучына з шафранам
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары