Галоўны рэдактар Tut.by Марына Золатава і журналіст Алена Таўкачова абвінавачваюцца ў саўдзеле ў нявыплаце падаткаў
Сёння Мінскі гарадскі суд у закрытым рэжыме разгледзеў скаргу на змяшчэнне пад варту галоўнага рэдактара Tut.by Марыны Золатавай і журналіста партала Алены Таўкачовай.
Стала вядома, што іх абвінавачваюць у саўдзеле ва ўхіленні ад выплаты падаткаў у асабліва буйным памеры (ч. 1 арт. 16 ч. 2 арт. 243 КК), санкцыя артыкула прадугледжвае да 5 гадоў «хіміі» ці ад 3 да 7 гадоў пазбаўлення волі, паведамляе Tut.by у сваім тэлеграм-канале.
Суд пакінуў у сіле самую суровую меру стрымання ў выглядзе змяшчэння пад варту. Зыходзячы з практыкі можна дапусціць, што яна абраная на два месяцы, затрыманыя нашы калегі былі 18 мая, знаходзяцца ў СІЗА №1 на Валадарскага.
Усяго па справе Tut.by затрымалі 15 чалавек, у тым ліку супрацоўнікаў рэдакцыі, якія па сваёй працы не звязаныя з эканамічнай дзейнасцю кампаніі, выплатай падаткаў і юрыдычнымі аспектамі працы, нагадвае выданне.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары