Грамадства

Міністэрства аховы здароўя пра Латыпава: Стан стабільны

У Міністэрстве аховы здароўя паведамілі, што стан Сцяпана Латыпава, які сёння ў судзе прычыніў сабе цялесныя пашкоджанні, стабільны.

«Ён быў шпіталізаваны ў хірургічнае аддзяленне МНПЦ хірургіі, транспланталогіі і гематалогіі. Пацыент паступіў па экстранных паказаннях у 15:30. Пры паступленні былі выкананы ўсе неабходныя медыцынскія мерапрыемствы, была праведзена апрацоўка раны. На дадзены момант стан пацыента стабільны, сітуацый, што пагражаюць жыццю, няма. Пацыент апрытомнеў пасля наркозу», — паведамляюць у Міністэрстве аховы здароўя.

Нагадаем, Сцяпан Латыпаў стаў на лаўку і ўваткнуў ручку ў горла. Перад гэтым ён сказаў: «ГУБАЗ паабяцаў, калі я не прызнаю віну, будуць крымінальныя справы супраць родных і суседзяў».

1 чэрвеня суд Савецкага раёна Мінска пачаў разгляд справы жыхара Плошчы Перамен Сцяпана Латыпава. Яго затрымалі яшчэ ў верасні 2020 года — ён не даваў замаляваць вядомы мурал з дыджэямі. З таго часу Латыпаў за кратамі, у яго цэлы шэраг абвінавачанняў: махлярства, непадпарадкаванне міліцыі, масавыя беспарадкі… Яму пагражае да 10 гадоў.

Спачатку ў судзе зачыталі абвінавачанне і выслухалі пацярпелых (міліцыянтаў, якія летась затрымлівалі Сцяпана). Сам Латыпаў віну не прызнаў.

Затым суддзя Воўк аб'явіў перапынак на абед. І амаль адразу пасля перапынку Сцяпан здзейсніў спробу суіцыду.

Прысутныя на судзе распавялі «Нашай Ніве», што пасля абеду выклікалі сведкам бацьку Сцяпана, ён даў паказанні.

Суддзя спытаў: «Ці ёсць пытанні ў абвінавачанага?»

І Сцяпан сказаў: «Бацька, пасля спаткання [з табой] да мяне прыйшоў ГУБАЗ, паабяцаў, што калі я не прызнаю віну, у мяне будзе прэс-хата, крымінальныя справы супраць родных і суседзяў».

«Прэс-хата ў мяне была — 51 дзень, — сказаў Сцяпан бацьку. — Так што ты рыхтуйся».

І потым пачаў рэзаць сабе горла.

«У Сцяпана была з сабой папка з дакументамі. Ён дастаў з яе нейкі прадмет, магчыма, ручку. Залез на лаўку, упёрся нагамі ў краты і ўваткнуў сабе штосьці ў горла ці пачаў яго рэзаць. Потым упаў, стаў рэзаць рукі», — расказваюць сведкі.

Адразу клетку не змаглі адамкнуць, бо ў канваіраў не было ключоў. Яны былі ў кагосьці за дзвярыма.

Пакуль адамкнулі клетку, Сцяпан ужо выглядаў непрытомным.

Прыехала хуткая. Латыпава шпіталізавалі.

«Маральна падтрымліваў нявызначаных асоб». Пачаўся суд над Сцяпанам Латыпавым з Плошчы Перамен

21 мая ў шклоўскай калоніі паведамілі аб смерці 50-гадовага Вітольда Ашурка, палітзняволенага з Лідскага раёна. Пазней Следчы камітэт апублікаваў нарэзку з відэазапісаў з камеры Ашурка і паведаміў, што вязень двойчы ўпаў, пасля чаго памёр. З відэа мала што можна зразумець аб прычынах падзенняў, але СМІ зрабілі выснову, што вязень знаходзіўся ў ШІЗА, а на запясцях у яго — незразумелыя чорныя палоскі.

Чытайце таксама:

Суседзі затрыманага Сцяпана Латыпава з «плошчы Перамен» запісалі ВІДЭАзварот

Сядзеў на «Шанхаі», быў у Навінках, перахварэў на кавід. Што вядома пра палітвязня з плошчы Перамен Сцяпана Латыпава

Караеў пра палітвязня Латыпава: Ён планаваў развеяць ядахімікаты на баявыя парадкі АМАПа

Жыхара Плошчы Перамен Латыпава больш не абвінавачваюць у тым, што хацеў «атруціць сілавікоў»

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Сталі вядомыя важныя ўмовы для мірнага пагаднення паміж Расіяй і Украінай28

СветАбноўлена28

Сталі вядомыя важныя ўмовы для мірнага пагаднення паміж Расіяй і Украінай

Усе навіны →
Усе навіны

Кітай рыхтуе місію для абароны Зямлі ад астэроіда. Што за ён і наколькі моцна пагражае планеце?1

Келаг: Ніхто не будзе навязваць Украіне мірнае пагадненне1

Да 370 рублёў за анлайн-кансультацыю: папулярныя ў інстаграме дактары змагаюцца з кантролем цэн Мінздароўя3

Гомельскую пенсіянерку ўратавала ад махляроў толькі няўменне захоўваць таямніцу2

У Беларусь прыляцеў галоўнакамандуючы Лівійскай нацыянальнай арміі з сынам і генераламі6

У Таронта пры пасадцы перакуліўся самалёт1

У Мінску адкрыўся абноўлены рэстаран на 22-м паверсе гатэля «Беларусь»2

У цэнтры Батумі ў ДТЗ загінула 25-гадовая беларуска1

Умовы прапанаванай эканамічнай дамовы паміж ЗША і Украінай выглядаюць кабальнымі38

больш чытаных навін
больш лайканых навін

Сталі вядомыя важныя ўмовы для мірнага пагаднення паміж Расіяй і Украінай28

СветАбноўлена28

Сталі вядомыя важныя ўмовы для мірнага пагаднення паміж Расіяй і Украінай

Галоўнае
Усе навіны →

Заўвага:

 

 

 

 

Закрыць Паведаміць