Польскія ўлады закрыюць чыгуначны памежны пераезд у Кузніцы, калі да 21 лістапада сітуацыя на мяжы не будзе стабілізаваная
Улады Польшчы паабяцалі закрыць чыгуначны пункт у Кузніцы, калі правакацыі з мігрантамі не спыняцца, а сітуацыя на мяжы не стабілізуецца. Крайняя дата — 21 лістапада.
Данесці адпаведную інфармацыю да кіраўніцтва Дзяржаўнага памежнага камітэту Беларусі міністр унутраных справаў Марыюш Каміньскі даручыў галоўнаму каменданту польскай памежнай службы.
Нагадаем, сітуацыя на польска-беларускай мяжы пачала абвастрацца 8 лістапада. Каля 10:20 раніцы 8 лістапада з'явіліся першыя відэа з Гарадзеншчыны, на якіх бачна, як калона мігрантаў рухаецца па праезнай частцы дарогі ў бок пункта пропуска «Брузгі», што на беларуска-польскай мяжы. Там былі тысячы мігрантаў.
Мігранты рабілі спробы прарвацца на тэрыторыю Польшчы. А ў праўладных Тэлеграм-каналах, у афіцыйных медыя ў Беларусі разгортвалася актыўная інфармацыйная падтрымка падзей, звязаных з міграцыйнымі праблемамі, а таксама антыпольская рыторыка.
У Дзяржпагранкамітэце Беларусі заявілі, што гэта бежанцы, якія хочуць атрымаць прытулак у ЕC, і Мінск не будзе перашкаджаць таму, што яны пакінуць краіну. У Польшчы, у сваю чаргу, абвінавацілі ўлады Беларусі ў правакацыі, заявіўшы, што вялікія групы мігрантаў знаходзяцца пад поўным кантролем беларускіх спецслужбаў і арміі.
Польшча закрыла рух праз памежны пераход у Кузніцы з 7:00 ад 9 лістапада.
На мяжы дзейнічае надзвычайнае становішча, і праца СМІ там немагчымая. Журналісты атрымліваюць матэрыялы пераважна з сацыяльных сетак.
У ЕС загаварылі аб магчымым увядзенні санкцый супраць авіякампаній іншых краін за перавозкі мігрантаў.
Пазней Лукашэнка і Меркель двойчы абмяркоўвалі крызіс на мяжы па тэлефоне.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары