Археолагі ўпершыню знайшлі ў Полацку зааморфную падвеску, якая захавалася цалкам. Яе звязваюць з фіна-уграмі
Падчас археалагічных даследаванняў у Верхнім замку Полацка выяўленая цікавая падвеска, расказаў sputnik.by кандыдат гістарычных навук Полацкага дзяржаўнага ўніверсітэта Ігар Магалінскі.
Па словах навукоўца, яго знаходку можна апісаць як полую падвеску-канёк з шумным вітаннем. Аналагі падобных вырабаў ужо знаходзілі ў Ноўгарадзе, Цвярской і Уладзімірскай абласцях Расіі.
«Гэта першая знаходка ў Полацку вырабу такога тыпу і падобнай захаванасці», — адзначыў навуковец-археолаг.
Вырабы падобнага тыпу звычайна звязваюць з фіна-уграмі. Датаваць яго стварэнне можна толькі прыблізна, вялікім перыядам з XII па XIV стагоддзе.
Зааморфная падвеска вырабленая з алавянай бронзы (сплаў медзі і волава з прымешкам сурмы) і была адлітая не ў Полацку. Пакуль навукоўцы не могуць дакладна вызначыць, якім чынам яна патрапіла на беларускія землі ў Сярэднявеччы.
Магалінскі знайшоў падвеску падчас археалагічнага нагляду за працамі па пракладцы камунікацый да Кадэцкага корпуса, які будуецца ў гістарычным цэнтры Полацка.
Чытайце таксама:
Памятаеце навіну пра знойдзены склеп у Хойніцкім раёне? Археолагі выказалі здагадку, каму ён належаў
У Пскове знайшлі пячатку загадкавага полацкага епіскапа
-
Як камуністы цалкам знішчылі 700‑гадовы горад Мост дзеля вугалю. Гістарычныя кварталы прадавалі Галівуду пад здымкі рэальных выбухаў
-
Тураўскія каменныя крыжы, якія нібыта прыплылі з Кіева, мабыць, паставілі пры Канстанціне Астрожскім
-
Хто насамрэч пабудаваў туалет каля тэатра імя Янкі Купалы, пра які ёсць знакамітая легенда
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары