Праз МТС можна будзе аплаціць пакупкі з балансу тэлефона з адтэрміноўкай плацяжу
Карыстальнікі сэрвіса «МТС Грошы» атрымалі магчымасць аплачваць з баланса мабільнага нумара тавары ў інтэрнэт-крамах. Гэта новаўвядзенне кампанія прадставіла на выставе «ТІБО-2022», піша reform.by.
У аплатнай сістэме МТС з'явіўся «МаніБокс». Пры яго дапамозе можна выкарыстаць 100 рублёў для аплаты любых пакупак з адтэрміноўкай плацяжу. Прытым для аплаты не трэба будзе ўводзіць рэквізіты, дастаткова толькі нумароў тэлефона.
Для арганізацый гандлю і сэрвісу прадуманая спрошчаная працэдура інтэграцыі пры дапамозе плацежнага API.
МТС прадставіў і некалькі іншых новых рашэнняў. Цяпер карыстальнікі аплатнай сістэмы могуць рабіць плацяжы ў АРІП, атрымліваць банкаўскія карты «МТС Грошы» з прывязкай карт-рахунку да балансу мабільнага нумара тэлефона і праводзіць пераводы паміж фізічнымі асобамі.
Таксама можна адкрываць уклады, афармляць анлайн-страхоўкі, купляць авіябілеты і займацца інвестыцыямі.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе9
Каментары