Лукашэнка: Мінск і Масква яшчэ не адказалі люстэркава на ваенную актыўнасць НАТА
Аляксандр Лукашэнка 30 чэрвеня сустрэўся з кіраўніком МЗС Расіі Сяргеем Лаўровым. Па яго словах, Мінск і Масква яшчэ не адказвалі люстэркава на ваенную актыўнасць НАТА, паведамляе яго прэс-служба.
Аляксандр Лукашэнка адзначыў, што Беларусь і Расія яшчэ не адказвалі люстэркава на трэніроўкі заходняй авіяцыі па ўжыванні ядзернай зброі:
«Ніякай інсцэніроўкі там не было. І пра ядзерную зброю і іншае. Мы яшчэ паўкроку зрабілі. Яны ж лётаюць, трэніруюцца. Навошта трэніруюцца, навошта ядзерныя балванкі возяць? Для таго, каб ядзерную бомбу заўтра ў самалёт пакласці і скінуць туды, куды трэба. Таму мы яшчэ люстэркава не адказвалі. Склады боепрыпасаў ядзерных у Расіі, у нас іх няма. І, як Пуцін правільна сказаў, у шасці кропках, шасці краінах знаходзяцца іх ядзерныя боегалоўкі».
Ён дадаў, што складоў ядзерных боепрыпасаў у Беларусі няма, але трэба быць гатовымі да любога развіцця падзей і «трымаць порах сухім».
«Мы павінны порах трымаць сухім па ўсіх напрамках. І не трэба там енчыць, крычаць, што «тут Пуцін захапіў Беларусь», што хоча, тое і робіць»… у нас узгодненая разумная палітыка дзвюх суверэнных дзяржаў, за якую перш за ўсё адказваюць Макей і Лаўроў», — сказаў ён.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары