Моды

Як 21-гадовы тэхнік тралейбуснага парка працуе мадэллю

На працы ён перспектыўны тэхнік-электроншчык, па-за ёй — маладая зорка подыумаў. Як у 21-гадовага мінчука атрымоўваецца сумяшчаць такія розныя сферы, даведаліся «Мінск-Навіны».

Нягледзячы на тое што Канстанціну Гапонцаву пастаянна казалі пра яго прывабную знешнасць, будаваць кар'еру ў свеце прыгажосці і моды ён не спяшаўся. Абраў шлях больш сціплы, паступіўшы ў Мінскі дзяржаўны палітэхнічны каледж пасля 9-га класа. Там атрымаў дыплом тэхніка-электроншчыка і трапіў па размеркаванні ў тралейбусны парк.

— Сваю прафесію сумнай не лічу, гэта запатрабаваны кірунак, ён цэніцца з-за бурнага развіцця аўтамабілебудавання, — сцвярджае Канстанцін.

Думкі пра мадэлінг усё ж закраліся на чацвёртым курсе вучобы, тады хлопец і адважыўся паспрабаваць сябе ў новым кірунку.

Занадта высокі для мадэлі

Першы крок у свет моды — кансультацыя ў Нацыянальнай школе прыгажосці. Канстанцін прызнаўся, што вельмі нерваваўся, калі туды ішоў, бо вопыту ў яго ніякага не было.

— Там пачуў, што занадта высокі, — успамінае хлопец. — Сам два метры, а калекцыі шыюцца на хлопцаў ніжэйшых. Але мне ўсё роўна прапанавалі паспрабаваць прыйсці да іх на кастынг.

Праўда, стаць вучнем Школы прыгажосці так і не ўдалося. І тут няма гісторыі пра першую няўдалую спробу, усё прасцей — расклад аказаўся несумяшчальным з вучобай у каледжы.

— Трэба было засяродзіцца на напісанні дыплома і адаптацыі ў тралейбусным парку, — распавядае Канстанцін. — Пасля кансультацыі я не знерваваўся, а яшчэ больш загарэўся думкай стаць мадэллю.

Сваякі і сябры падтрымлівалі ў гэтым імкненні і нават спрабавалі ўсяляк дапамагчы. Так, стрыечная сястра параіла хлопцу з'ездзіць на кастынг у мадэльнае агенцтва Ігара Іванова. Канстанцін яго прайшоў, адразу ж пачаўшы навучацца там па выхадных. У той момант жыццё і зайграла новымі фарбамі.

Першы выхад на подыум — 1-е месца

Праз пару месяцаў навучання хлопца запрасілі на здымкі ў рэкламе віцебскіх дываноў. Нягледзячы на першы вопыт і адсутнасць якога-небудзь партфоліа, Канстанцін адчуваў сябе ў сваёй талерцы.

— Мяне самога здзівіла тое, што я зусім не нерваваўся, — дзеліцца герой.

Новы этап — падрыхтоўка да «Млына моды».

— Дзень кастынгу быў рабочым, таму прыйшлося ахвяраваць абедам, — успамінае хлопец.

Адбор прайшоў паспяхова, і ўжо праз некалькі тыдняў упершыню выйшаў на подыум нароўні з вопытнымі калегамі. Больш за тое, там жа заняў першае месца ў намінацыі «Мадэль-дэбют фестывалю-конкурсу».

Канстанцін прызнаўся, што сумяшчаць настолькі розныя сферы дзейнасці даволі складана.

— Мне пашанцавала з графікам працы, са зменамі 2 праз 2 атрымліваецца паспяваць, — каментуе мадэль. — Але часам даводзіцца чаргаваць, аддаючы прыярытэт то працы, то мадэлінгу. Бывалі выпадкі, калі паказ выпадаў на працоўны дзень. Тады трэба выбіраць, што на гэтым этапе важнейшае.

Так, напрыклад, на перыяд фестывалю «Млын моды» прыйшлося браць сацыяльны адпачынак без захавання заработнай платы.

Ад падтрымкі да хейту

Да выбару Канстанціна яго сям'я і сябры ставяцца станоўча, а вось на працы далёка не ўсе ведаюць пра яго захапленні.

— Ад напарнікаў бываюць выразы ў духу: «Ну ён жа ў нас мадэль», аднак гэта проста лакальныя жарты, нічога крыўднага, — адзначае Канстанцін. — Думаю, што з хэйтам у мадэлінгу сутыкаюцца многія, але для мяне гэта не мае ніякага значэння. Я ўсяго гэтага альбо не заўважаю, альбо ў маім жыцці яго вельмі мала.

Дарэчы, гісторыю тэхніка-электроншчыка ўжо ведаюць і многія карыстальнікі TikTok. Яго відэа з тралейбуснага парку і кадрамі са сцэны набрало больш за 600 тыс. праглядаў. Пад ролікам можна сустрэць шмат кампліментаў і добразычлівых каментарыяў, ніякага негатыву.

— У будучыні хацелася б больш часу надаваць мадэлінгу, — дзеліцца планамі Канстанцін. — Думаю ператварыць яго з хобі ў асноўны від дзейнасці. Мару пра многае, адны з жаданняў — апынуцца на вокладках вядомых часопісаў і заваяваць вялікі подыум.

Каментары

Пяць былых сілавікоў прасілі сваіх калег не быць залішне жорсткімі. Цяпер ім пагражаюць велізарныя тэрміны6

Пяць былых сілавікоў прасілі сваіх калег не быць залішне жорсткімі. Цяпер ім пагражаюць велізарныя тэрміны

Усе навіны →
Усе навіны

Яны пайшлі ад нас у 2024 годзе. Згадваем беларусаў, якіх мы страцілі14

Лукашэнка ў навагоднім звароце: «Змена пакаленняў завершыцца ў наступныя гады»28

Зяленскі ў навагоднім звароце: Я ўпэўнены, прыйдзе дзень, калі мы скажам «Жыве Беларусь!»23

Навагодні зварот Ціханоўскай быў спалучаны з відэаролікам пра жыццё адной сям'і33

У Беларусі, як і ў мінулым годзе, на пераднавагоднія хвіліны адключылі ютуб25

Пазняк звярнуўся да Лукашэнкі з просьбай спыніць рэпрэсіі48

Раман Пратасевіч упершыню за месяц паказаўся людзям, але ў дзіўным выглядзе7

СПА Украіны расказала, колькі ракет і дронаў збіла за год5

Немаршанскі сад. Адкуль такая незвычайная назва ў новай станцыі метро?14

больш чытаных навін
больш лайканых навін

Пяць былых сілавікоў прасілі сваіх калег не быць залішне жорсткімі. Цяпер ім пагражаюць велізарныя тэрміны6

Пяць былых сілавікоў прасілі сваіх калег не быць залішне жорсткімі. Цяпер ім пагражаюць велізарныя тэрміны

Галоўнае
Усе навіны →