Згарэў будынак 1912 году, каштоўны помнік драўлянай архітэктуры. Гэта не першая ахвяра ўнікальнай забудовы гораду.
Згарэў будынак 1912 году, каштоўны помнік драўлянай архітэктуры. Гэта не першая ахвяра ўнікальнай забудовы гораду.
24 верасня ў Гродне на вуліцы 17 верасня ў жылым 10-кватэрным доме адбыўся пажар. У выніку ўзгарання выбухнуў балон з газам. Паколькі ў доме заставалася каля дзесятка цэлых балонаў, міліцыя ачапіла тэрыторыю. На яго ліквідацыю выклікалі нават «невыязную» часць «Азоту». На шчасце, ніхто з жыхароў дому не пацярпеў. У агні згарэў сабака, паведамляе Блог Гродно s13.
Пажар прыцягнуў увагу незалежнай грамадскасці. Здарэнне адбылася ў забудаваным пераважна драўлянымі дамкамі раёне «Новы свет». За гэты раён не першы год змагаюцца з уладамі неабыякавыя гродзенцы. Дом, які згарэў 24 верасня, меркавалі знесці, як і шэраг іншых. Улады плануюць забудаваць гэты раён сучаснымі дамамі. Гэты факт нараджае ў незалежніцкім асяродку думкі пра невыпадковасць пажару.
«Адной з першых ахвяраў «Новага свету» стаў дом 2/1 па вул. 17 верасня (1928 г.) ў стылі канструктывізму — былая крама «Гарачы хлеб», — кажа гродзенскі гісторык Андрэй Вашкевіч. Між іншым, згарэлы будынак быў збудаваны ў 1912 годзе, ён уяўляе сабой каштоўны помнік драўлянай архітэктуры. Вось што пра яго пісаў у сваіх успамінах аб канцы 1930-х гг. ураджэнец Гродна польскі генерал, лётчык-выпрабавальнік Здзіслаў Цыпельт: «Тут жа па прыступках, якія вялі ў паўсутарэнні, трапляў у пякарню, у якой пяклі вельмі смачны хлеб на лісцях хрэну. Аднак за булкамі з макам у форме трохкутніка ішлі да пякарні ў доме Люббэга на 11 лістапада, альбо да пякарні Каплана з другога боку Дроўнага рынку. У Каплана былі найлепшыя кайзеркі, так званыя здобныя. Ніякія сучасныя вырабы варшаўскіх пякарняў не параўнаць з тым гродзенскім хлебам».
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы16
Каментары