«Задзяўбалася быць мужыком»: комік Даўгаполаў здзейсніў камінг-аўт як небінарная персона
Адпаведны допіс, напісаны цалкам у жаночым родзе, быў апублікаваны ў сацсетках Далгаполава 18 верасня. У твітары коміка пазначаны пераважныя займеннікі «ён/яны/яна»; на днях там з'явіліся твіты, напісаныя ў жаночым родзе і ў множным ліку
Я вырашыла адкрыцца як небінарная персона па некалькіх прычынах: па-першае, я проста за сваё нядоўгае, але ****** [дзяўбанае] жыццё ўжо ********* [задзяўбалася] быць мужыком, мне гэта ніколі не падабалася і ў апошні час я наогул перастала разумець, ***** [навошта] мне гэта трэба. Па-другое, гэта мой пратэст супраць патрыярхату і капіталізму, я думаю, што толькі адмаўляючыся ад сваіх прывілеяў і даследуючы сябе людзі, якіх грамадства першапачаткова маркіруе як белых цыс — гетэра — мужчын, могуць стаць на бок прыгнечанай большасці ў справе барацьбы за свае правы.
Па-трэцяе, я хачу нарэшце стаць паўнавартасным жывым чалавекам, хачу стаць дабрэйшым, я хачу навучыцца выбудоўваць даверныя адносіны з людзьмі, я хачу навучыцца блізкасці, я хачу навучыцца кахаць і быць каханай, свабоднай, моцнай, гарачай, эмпатычнай, гнуткай, больш прымаючай і менш небяспечнай для блізкіх, і мне здаецца, што ключ да гэтага ляжыць нават не столькі ў даследаванні майго феміннага боку, колькі, у цэлым, ва ўцёках з гэтай гендарнай турмы, у якой нас замыкаюць з самага нараджэння.
Аляксандр Далгаполаў — -адзін з галоўных незалежных комікаў Расіі. Ён з'ехаў з Расіі пасля пачатку вайны ва Украіне і адкрыта выказваецца супраць дзеянняў расійскай улады.
Цяпер чытаюць
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам4
Каментары