Год «хатняй хіміі» прысудзілі жыхару Брэста за абразу супрацоўнікаў міліцыі
У судзе Маскоўскага раёна Брэста 16 верасня завяршыўся разгляд крымінальнай справы мясцовага прадпрымальніка Сяргея Беразюка, абвінавачанага ў абразе прадстаўніка ўлады (арт. 369 Крымінальнага кодэкса), піша Вясна.
Справу разглядаў суддзя Яўген Браган.
Па матэрыялах абвінавачання, Беразюк, пасля прагляду ў адным з тэлеграм-каналаў фотавыявы памочніка начальніка аддзела ўнутраных спраў адміністрацыі Ленінскага раёна горада Гродна па кантролі за рэгістрацыйна-ўліковай працай К., а таксама фотавыявы інспектара дарожна-патрульнай службы аддзялення ДАІ УУС Кобрынскага райвыканкама, размясціў у адкрытым доступе паведамленні, якія супярэчаць агульначалавечай маралі, выражаныя ў непрыстойнай форме, прыніжаюць гонар і годнасць службовых асоб.
Перад тым, як абвінаваціць Беразюка ў абразе прадстаўніка ўлады, яго асудзілі да адміністрацыйнага арышту на 15 сутак.
Суд пастанавіў прызнаць Сяргея Беразюка вінаватым у абразе прадстаўнікоў улады ў сувязі з выкананнем імі службовых абавязкаў і прызначыў яму пакаранне ў выглядзе абмежавання волі тэрмінам на адзін год без накіравання ў папраўчую ўстанову адкрытага тыпу.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары