Яўген Прыгожын назваў Зяленскага «сімпатычным хлопцам». Яшчэ адзін знак гатоўнасці Пуціна да перамоваў?
Бізнэсовец і куратар ПВК «Вагнер» Яўген Прыгожын пахваліў прэзідэнта Украіны.
Яўген Прыгожын. Кадр з відэа
«Зяленскі хоць і з'яўляецца прэзідэнтам краіны, варожай у гэты момант Расійскай Федэрацыі, але ўсё ж ён — цвёрды, упэўнены ў сабе, прагматычны, сімпатычны хлопец», — прыводзіцца адказ прадпрымальніка прэс-службай кампаніі «Канкорд», якая належыць яму, у сацыяльнай сетцы «УКантакце».
Прыгожына прасілі параўнаць Зяленскага і Няўзорава.
Ён дадаў, што не можа гэтага сказаць пра журналіста. На думку бізнэсоўца, ён прыгожа гаворыць, у яго добрыя моўныя звароты, але апошнім часам «усё гэта трошкі патыхае некрафіліяй».
«І, шчыра кажучы, ён абаяльны, але балбатун», — дадаў Прыгожын.
Каментары