Мінчукі прыйшлі ў аквапарк і знайшлі пад сваімі лежакамі нешта агіднае
Аквапарк — месца, дзе можна выдатна правесці час. Крутыя горкі, вясёлыя басейны, а яшчэ і лазні на любы густ — гадзінамі можна завісаць. Але часам радасныя эмоцыі могуць перакрывацца нечакана непрыемнымі сустрэчамі (і гаворка не пра сутыкненне з былым хлопцам), піша «Анлайнер».
Сапраўдны «схрон» прусакоў выявіла ў адным з зацішных куткоў аквапарка сям'я мінчукоў.
«14 лістапада мы прыехалі ў «Лебядзіны», хацелі адсвяткаваць дзень нараджэння.
Праўда, настрой вельмі хутка быў сапсаваны: аказалася, што пад лежакамі, якія мы занялі, жыве цэлая зграя прусакоў. Адзін з іх нават пачаў паўзці па назе дачкі.
Мы падышлі да дзяўчыны-адміністратаркі, расказалі пра ўбачанае. Яна адрэагавала цалкам спакойна: мабыць, не мы першыя пра гэта паведамляем. Больш ніякай рэакцыі не было, на наша абурэнне сказалі, што могуць прынесці толькі вусныя прабачэнні», — расказвае Кацярына, прыкладаючы відэа з месца падзей.
Аквапарк — зусім не тое месца, дзе можна чакаць пабачыць такі «прусачыны злёт». Што ж здарылася? За каментарыем «Анлайнер» звярнуўся ў «Лебядзіны».
«УП «Цэнтр прафілактычнай дэзынфекцыі» рэгулярна праводзіць апрацоўку памяшканняў аквапарка «Лебядзіны» супраць прусакоў.
Акрамя гэтага, у аквапарку «Лебядзіны» некалькі разоў на год праводзіцца дезынсекцыя метадам «халоднага туману» інсектаакарыцыдным сродкам «Фасладзін», а таксама штодня праводзяцца мерапрыемствы па апрацоўцы памяшканняў сродкамі лакальнага прымянення. Наступнае планавае мерапрыемства па тручаэнні прусакоў у аквапарку «Лебядзіны» прызначана ў самыя найбліжэйшыя тэрміны», — растлумачылі ў арганізацыі, прыклаўшы акты выкананых работ, згодна з якімі толькі ў гэтым годзе апрацоўка памяшканняў аквапарка праводзілася як мінімум тры разы. Апошні раз — напрыканцы верасня.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае10
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары