У Кітаі пратэсты супраць кавіднага лакдаўну перарастаюць у антыўрадавыя
Акцыі пратэсту адбываюцца сама меней у 16 гарадах — у тым ліку ў двух найбуйнейшых: Пекіне і Шанхаі, піша РБК.
У Шанхаі сотні людзей трымалі ў руках чыстыя аркушы белай паперы — сімвалічны пратэст супраць цэнзуры — і скандавалі: «Патрэбныя правы чалавека, патрэбная свабода». Некаторыя таксама выкрыквалі заклікі да Сі Цзіньпіна сысці ў адстаўку.
Да вечара 27 лістапада масавыя дэманстрацыі распаўсюдзіліся на Пекін, Чэньду, Гуанчжоу і Ухань, дзе тысячы жыхароў патрабавалі не толькі спынення абмежаванняў, звязаных з каранавірусам, але і палітычных свабод.
Жыхары некаторых закрытых раёнаў разбуралі бар'еры і выходзілі на вуліцы.
Людзі ўскладаюць адказнасць на ўладу, якая праводзіць палітыку «нулявога кавіду» і амаль тры гады замест таго, каб будаваць больш лякарняў і падкрэсліваць неабходнасць вакцынацыі, укладала вялізныя рэсурсы ў сродкі масавага тэсціравання, каранціну і ізаляцыі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары