Хрэнін: Мы ўлічым вопыт Расіі па мабілізацыі і падкарэктуем заканадаўства
Міністр абароны Віктар Хрэнін даў вялікае інтэрв'ю «Беларусь сегодня», асноўны змест якога — паўтарэнне асноўных тэзісаў лукашэнкаўскай і расійскай прапаганды пра агрэсіўны Захад і міралюбную Беларусь. Але закрануў і тэму магчымай мабілізацыі, якая сапраўды хвалюе беларускае насельніцтва.
Хрэнін адзначыў, што беларускія сілавікі ўважліва сочаць за тым вопытам, які атрымала пры правядзенні мабілізацыі Расія:
«Безумоўна, мы аналізуем вопыт суседзяў па правядзенні мабілізацыйных мерапрыемстваў. У першую чаргу гэта пытанні, звязаныя з вайсковым улікам грамадзян, якія знаходзяцца ў запасе, у тым ліку вызначэннем колькаснага і якаснага складу наяўных рэсурсаў. Гэта трэба для разумення сітуацыі і рацыянальнага падыходу ў забеспячэнні абароны і ваеннай бяспекі».
А далей сказаў трывожныя фразы:
«Улічваючы свой вопыт і вопыт расійскіх калег, падкарэктуем некаторыя моманты і ў заканадаўчым плане. Зараз ідзе актыўная работа па падрыхтоўцы прапаноў для ўнясення змяненняў у шэраг заканадаўчых актаў. Хутка яны будуць вынесеныя на разгляд парламентарыяў, абмеркаванне грамадскасці».
Улічваючы тое, што, пры кішэнным парламенце і пры патрэбе без аглядкі нават на працэдуры, беларускі рэжым можа ў самыя сціслыя тэрміны ўносіць у заканадаўства самыя адыёзныя змены, ваеннаабавязаным ёсць падставы для занепакоенасці. Паколькі існуе вялікая верагоднасць, што заканадаўчыя змены будуць скіраваныя перадусім на тое, каб закрыць беларускім мужчынам нават тыя магчымасці для ратавання, якія мелі расійскія.
-
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
-
У Мінску адклалі пашырэнне трэцяй лініі метро да Зялёнага Луга, прыярытэтам зрабілі 4‑ю лінію
-
Якая сітуацыя ў краіне з месцамі ў дзіцячых садках і хто можа хадзіць у кругласутачныя групы
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
вымалёўваецца ўсё значна горшая карціна... гледзячы на тое, як расея магілізуе зэкаў і маргіналаў, і ўлічваючы тое, што наш "зэк" і "маргінал" - гэта зусім не тое што расейскі... то карціна вымалёўваецца значна горш...