Кіраўнік вайсковай разведкі Украіны: Чуткі пра напад з боку Беларусі — рэха расійскай спецыяльнай інфармаперацыі
Начальнік Галоўнага ўпраўлення разведкі Мінабароны Украіны Кірыла Буданаў заявіў у эфіры нацыянальнага тэлемарафону, што на тэрыторыі Беларусі канцэнтруецца «выключна абарончая зброя, якую ў прынцыпе нельга выкарыстоўваць у наступленні».
«Яны зусім не хочуць гэтага рабіць. Усё звязанае з тэматыкай Беларусі, што адбываецца ў нас у медыяпрасторы, — рэха менавіта расійскай спецыяльнай інфармацыйнай аперацыі», — сказаў Буданаў.
На ягоную думку, галоўная і адзіная мэта гэтай інфармацыйнай аперацыі — пасеяць паніку ва ўкраінскім грамадстве, адцягнуць сілы і сродкі ад рэальных баёў на перадавой.
Каментары