Пасля Новага года перастануць лётаць чартары з Мінска ў Анталью
У самы папулярны ў беларусаў курортны аэрапорт чартарныя рэйсы перастануць лётаць 6 студзеня. Пра гэта паведамілі ў Рэспубліканскім саюзе турыстычных арганізацый.
У арганізацыі нагадалі, што першапачаткова «Белавія» планавала, што чартар Мінск — Анталья будзе лётаць па суботах аж да пачатку вяснова-летняга сезона. І з 11 лістапада рэйс Мінск — Анталья сапраўды выконваўся па пазначаных днях.
Пры гэтым турысты лёталі на адпачынак як на тыдзень, так і на два, і на тры, і нават амаль на месяц, — працягласць тураў вар'іравалася. Але ахвотных адпачыць ля халоднага Міжземнага мора знаходзілася ўсё менш, таму тураператары вырашылі спыніць чартарную праграму: апошні самалёт, які забярэ беларусаў з турэцкага ўзбярэжжа, адправіцца ў рэйс 6 студзеня.
Ацэньваючы гэтую праграму авіякампаніі, прадстаўнікі турыстычнай галіны адзначылі, што яна была ў цэлым паспяховай, бо ўпершыню ўдалося прадоўжыць перыяд чартарных палётаў на галоўны турэцкі сезон да навагодніх святаў уключна.
Увогуле ж у беларусаў яшчэ ёсць выбар: яны могуць зімой дабірацца з Мінска ў Аб'яднаныя Арабскія Эміраты, самалёты туды лётаюць пастаянна. Канкурэнцыя з боку гэтага кірунку і паўплывала на змяншэнне попыту на Анталью, бо ў ААЭ цяпер цяплей і камфортней.
Цяпер чытаюць
Колькасць судоў па палітычных крыміналках зменшылася ў разы22
Каментары