«Закопвалі жыўцом і пагражалі прастрэліць калені»: Мабілізаваны расіянін распавёў пра збіццё і катаванні пасля размовы з журналістамі
Мабілізаваны жыхар Бранскай вобласці Раман Мартынаў падаў заяву ў СК, паскардзіўшыся на катаванні. Пра гэта паведамляе кіраўнік праваабарончай арганізацыі «Агора» Павел Чыкаў.
Увосень у канале Astra з'явіліся відэа, дзе расійскія вайскоўцы распавядаюць, што іх сілком трымаюць у падвалах на тэрыторыі самаабвешчанай «ЛНР» праз іх адмову ісці на перадавую без падрыхтоўкі. Пасля гэтага Мартынава западозрылі ў зносінах з журналістамі і, па яго словах, падверглі катаванням.
Мартынаў распавёў, што яго збілі, кінулі ў каналізацыйны калодзеж і пагражалі закапаць там жыўцом. «Мяне паставілі на калені тварам да сцяны, стрэлілі з аўтамата і сказалі, што проста цяпер могуць прастрэліць мне калені», — паведаміў ён.
15 лістапада Мартынава накіравалі на ваенна-медыцынскую камісію. Ён змог дабрацца да Масквы, дзе звярнуўся па дапамогу да адваката праваабарончага праекта «Ваенны амбудсмен», піша Чыкаў.
Праваабаронца таксама распавёў, што Мартынава, мабілізаванага 24 верасня, практычна без падрыхтоўкі адправілі на перадавую ў самаабвешчанай «ЛНР».
Каментары