На некаторых мінскіх вуліцах забаранілі паркоўку грузавікоў. Дзе менавіта?
У ДАІ Мінска папярэдзілі, што на некаторых сталічных вуліцах забароненая паркоўка грузавога транспарту — у прыватнасці, устаноўлены дарожныя знакі 3.27 «Прыпынак забаронены» і таблічкі 7.4.1 «Від транспартнага сродку», «2,5 т», якія забараняюць прыпынак і стаянку грузавога транспарту масай звыш 2,5 тоны, піша Onliner.by.
Такія тэхнічныя сродкі дарожнага руху ўжо дзейнічаюць:
— на ўчастку вуліцы Янкі Лучыны ад вуліцы Прушынскіх да вуліцы Віктара Турава,
— на ўчастку вуліцы Прушынскіх ад вуліцы Янкі Лучыны да вуліцы Уладзіслава Сыракомлі,
— на Ігуменскім тракце ад вуліцы Маякоўскага да МКАД,
— на вуліцах Міхаіла Пташука і Паўла Шпілеўскага.
Штодня ў названых месцах інспектары сталічнай ДАІ з дапамогай тэхнічных сродкаў будуць кантраляваць выкананне правілаў дарожнага руху, у тым ліку спыненне і стаянку грузавых транспартных сродкаў масай звыш 2,5 тоны, — папярэдзілі ў Дзяржаўтаінспекцыі.
Там адзначылі, што гэтая мера павінна павысіць бяспеку дарожнага руху, а таксама ўпарадкаваць паркоўкі грузавога транспарту ў горадзе.
35 маладых беларусаў і беларусак, за якімі варта сачыць: апублікаваны першы спіс Next 3524
Каментары
сегодня, в центре города, в час пик замечен был "обычный" броник
п....