За 146 парушэнняў і два ДТЗ — тры месяцы без правоў. У Мінску са скрыпам пакаралі кіроўцу Bentley
Кіроўца Bentley Bentayga толькі хуткасць перавышаў 125 разоў, да таго ж быў вінаватым у ДТЗ. Пасля чарговай аварыі яму спачатку зноў выпісалі толькі штраф.
У ліпені 2026 года кіроўца Bentley Bentayga, паварочваючы налева, не саступіў дарогу сустрэчнаму аўтамабілю. Машыны сутыкнуліся. Дзеянні мужчыны прызналі стварэннем аварыйнай сітуацыі.
Але яму спачатку прызначылі адміністрацыйны штраф.
Да гэтага мужчыну 146 разоў прыцягвалі да адміністрацыйнай адказнасці, у тым ліку 125 разоў — за перавышэнне хуткасці. Акрамя таго, ён двойчы быў вінаватым у ДТЗ, у якіх аўтамабілі атрымлівалі механічныя пашкоджанні.
ДАІ папрасіла пракурора Мінска адмяніць першапачатковае рашэнне. Пасля паўторнага разгляду кіроўцу аштрафавалі на 17 базавых велічынь (765 рублёў) і пазбавілі правоў на тры месяцы.
Bentley Bentayga — прэміяльны пазадарожнік брытанскай кампаніі Bentley, які выпускаецца з 2015 года. Аўтамабіль мае поўны прывад, магутны рухавік і салон з дарагой ручной аздобай. Кошт новай Bentayga залежыць ад камплектацыі і складае некалькі соцень тысяч еўра.
Што вядома пра віцебчука, якога вінавацяць у спробе падрыву самалёта ў Германіі11
Каментары