У птушак пачынаецца гнездавы сезон, таму з сярэдзіны лютага абразанне галін дрэваў з гнёздамі на іх пагражае штрафамі, паведамляе тэлеграм-канал «Дзікая прырода побач». Забарона дзейнічае па 14 жніўня.
Фота: hedera.baltica, Wikimedia Commons
Калі пасля 15 лютага чалавек заўважыць, што хтосьці скідвае ці разбурае птушыныя гнёзды, пра гэта трэба, як раяць прыродаахоўнікі, адразу ж паведамляць.
Можна патэлефанаваць у Мінпрыроды на гарачую лінію, можна пакінуць электроннае паведамленне на сайце свайго абласнога або Мінскага гарадскога камітэта прыродных рэсурсаў і аховы навакольнага асяроддзя.
Каментары