«Калі людзі ў Беларусі бачаць, што яны не кінутыя, што на іх зважаюць і не забываюцца, гэта надае ім энэргіі для працягу барацьбы, — заявіла Святлана Ціханоўская ў інтэрв'ю амерыканскаму тэлеканалу PBS, піша «Позірк».
Паводле слоў Ціханоўскай, галоўнай задачай застаецца правядзенне «новых свабодных і справядлівых выбараў».
Аляксандр Лукашэнка, падкрэсліла яна, «паўнавартасны саўдзельнік» Уладзіміра Пуціна ў агрэсіі супраць украінскага народа, ён «выконвае ўсе загады» прэзідэнта РФ.
«Няма задачы падзяліць Пуціна і Лукашэнку. На карту пастаўлена незалежнасць нашай краіны. І менавіта Лукашэнка прадае незалежнасць Пуціну. Таму я прашу нашых партнёраў не заключаць ніякіх здзелак з Лукашэнкам, не спрабаваць выратаваць яго. Мы просім выратаваць Беларусь ад Лукашэнкі», — сказала Ціханоўская.
Ціханоўская: Рэжыму патрэбныя не людзі, а пакорлівыя падаткаплацельшчыкі
