25 сакавіка ў грузінскім Батумі адбылася вялікая акцыя да Дня Волі, рэпартаж з яе апублікавала «Радыё Рацыя».
Распачалася акцыя шэсцем па цэнтральнай вуліцы Абашыдзэ і завяршылася на Плошчы Еўропы. На акцыі гучалі прамовы прадстаўнікоў беларускай дыяспары, прагучалі віншаванні з Днём Волі ад Святланы Ціханоўскай, Івонкі Сурвілы, ваяроў з Палка Каліноўскага, Зянона Пазняка.
«Мы, беларусы, мусім вярнуць сваю дзяржаву, волю, незалежнасць і вярнуцца самі з турмаў, эміграцыі і з-пад страху. Спадзяваюся, што хутка мы будзем святкаваць гэтую дату не толькі на чужыне, але і ў родных гарадах: Мінску, Брэсце, Гродне!» — сказаў падчас мітынгу прадстаўнік Беларускай дыяспары Аджарыі ў Каардынацыйнай радзе Раман Кісляк.
Выступіў на мітынгу і прадстаўнік украінскай грамады ў Батумі Аляксей Севярыненка: «Я лічу, што наша барацьба супольная. Мы маем агульнага ворага і мы маем агульную мэту. Калісьці даўно ў мяне ўзнікла думка: а што было б, калі б гістарычна перамагла не Масковія, якую мы цяпер ведаем як Расію, а Вялікае Княства Літоўскае? І мне здаецца, што неўзабаве мы гэта пабачым на ўласныя вочы!»
Як беларусы Вільні святкавалі Дзень Волі ШМАТ ФОТА
На цырымонію адкрыцця помніка аўтару бела-чырвона-белага сцяга з Ізраіля прыляцелі нашчадкі ўратаваных ім людзей
Беларусы Тбілісі адсвяткавалі Дзень Волі ФОТЫ
Дзень Волі ў Варшаве ФОТЫ
«Мы дойдзем да Беларусі і скажам разам: «Жыве Беларусь!» Камандзір палка Каліноўскага павіншаваў беларусаў з Днём Волі
«Мы ўмеем рабіць немагчымае», — Святлана Ціханоўская звярнулася да беларусаў з нагоды Дня Волі
35 маладых беларусаў і беларусак, за якімі варта сачыць: апублікаваны першы спіс Next 3532
Каментары