На 9 Мая Расія можа рыхтаваць правакацыі, у тым ліку і ў Беларусі — ГУР МА Украіны
Расія часта выбірае сімвалічныя даты для ўчынення правакацый, так можа быць і 9 мая. Пра гэта ў эфіры тэлемарафону заявіў прадстаўнік Галоўнага ўпраўлення разведкі Міністэрства абароны Украіны Андрэй Юсаў.
«Пачынаючы з 2014 года акупанты выкарыстоўваюць падобнага роду правакацыі, і не выключана, што і зараз мы з гэтым сутыкнёмся. У гэтай сітуацыі правакацыі могуць быць накіраваныя расійскімі спецслужбамі супраць расійскага грамадзянскага насельніцтва і прымеркаваныя да пэўных дат, напрыклад, 9 Мая», — адзначыў прадстаўнік ГУР МА Украіны.
У той жа час Андрэй Юсаў выказаў меркаванне, што расіяне могуць накіраваць правакацыі і супраць Беларусі: такая расійская «аперацыя пад фальшывым сцягам» можа мець на мэце ўцягнуць беларускае войска ў вайну супраць Украіны.
«Ніхто ні ва Украіне, ні ў астатнім свеце ў падобныя спектаклі ўжо не паверыць. Але гэта не значыць, што правакацый не будзе», — падкрэсліў прадстаўнік ГУР МА Украіны Андрэй Юсаў.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай11
Каментары