За краты пасадзілі паветраныя шарыкі, кармілі «блакадным» хлебам. Як выглядала 9 Мая ў Магілёве
На Дзень Перамогі ў Магілёве было шмат дзяцей у мілітары, а некаторыя з драўлянай зброяй.
Каб урачыстасць выглядала масавай, дзяржаўныя прадпрыемствы і ўстановы абавязалі выправіць на яе работнікаў. Напрыклад, дзіцячыя садкі меліся рэкрутаваць на парад да 10 чалавек са свайго калектыву. З сабой яны павінны былі прынесці «атрыбутыку перамогі». Агітацыйная праца праводзілася з бацькамі гадаванцаў.
«Жывую сцяну» ўздоўж праезнай часткі вуліцы Першамайскай, дзе праходзіў парад, стваралі школьнікі. Іх прыводзілі цэлымі класамі.
На вуліцах стылю мілітары было больш чым калі. Вайсковую форму, падобную на тую, што насілі савецкія салдаты ў Другую сусветную вайну, адзявалі не толькі дарослыя, але і дзеці. У некаторых была драўляная зброя.
Удзельнікаў частавалі «блакаднай порцыяй» хлеба і пярловай кашай.
Адным з экспанатаў сталі клеткі. У «зняволенні» апынуліся чырвоныя і зялёныя паветраныя шарыкі.
На вуліцах гандляры прадавалі пілоткі і іншую вайсковую экіпіроўку, а месцы правядзення імпрэзаў патрулявала міліцыя.
«Наша Нiва» — бастыён беларушчыны
ПАДТРЫМАЦЬГлядзіце таксама:
Дзень Перамогі з дня «ніколі больш» ператварыўся ў кашмарнае «можам паўтарыць» — Ціханоўская
Расійскія гастралёры інсцэніруюць антыўкраінскія мітынгі ў Еўропе — Le Monde
Каментары