Генпракуратура сцвярджае, што некаторых людзей, якія звярталіся ў камісію па вяртанні, ужо пусцілі на радзіму
Пад старшынствам генеральнага пракурора Андрэя Шведа адбылося пасяджэнне камісіі па разглядзе зваротаў грамадзян Рэспублікі Беларусь, якія знаходзяцца за мяжой.
Разглядаліся, як пішацца, звароты звыш 20 асоб.
Некаторыя грамадзяне, якія раней атрымалі адказы камісіі, ужо вярнуліся на радзіму, сцвярджае Генпракуратара, але прозвішчаў, фота і месца дыслакацыі не падае.
Нагадаем, што ўказ пра стварэнне камісіі па вяртанні Лукашэнка падпісаў сёлета на пачатку лютага. Яе ўзначаліў генпракурор Андрэй Швед. У яе складзе сярод іншых старшыня КДБ Іван Церцель, прапагандыст Рыгор Азаронак, сенатар Дзмітрый Баскаў і Юрый Васкрасенскі.
Камісія просіць дасылаць пакаянныя лісты на адрас Генеральнай пракуратуры альбо на электронную пошту. Дазволена пісаць на беларускай мове.
У першы месяц, па сцвярджэнні камісіі, паступіла 23 заявы, а ў пачатку мая іх колькасць вырасла да 70.
«Я не буду казаць пра лічбы і анансаваць нейкія прозвішчы. Гэта нельга рабіць, таму што мы дакладна ведаем, што гэтыя асобы за мяжой апрацоўваюцца актыўна, некаторых з іх запалохваюць, каб яны не прыязджалі сюды», — тлумачыў Швед, чаму ў камісію не звяртаюцца актыўна.
«Упэўнены, прыйдзе час, калі людзі прыедуць, спакойна тут будуць жыць. У сродкаў масавай інфармацыі будзе магчымасць пагутарыць і з першых вуснаў даведацца, як гэта ўсё было», — сказаў генпракурор, відаць, намякаючы на тое, што па вяртанні людзей будуць прымушаць даваць інтэрв'ю дзяржСМІ.
-
Прарасійскага актывіста, паплечніка Мірсалімавай асудзілі на 10 сутак за «экстрэмізм»
-
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю
-
Польская паліцыя не змагла пакуль вызначыць, дзе знаходзіцца спікерка КР Анжаліка Мельнікава
Цяпер чытаюць
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю1
Каментары