У Бабруйску за ўдзел у мінскіх акцыях пратэсту асудзілі трох чалавек
У судзе Бабруйскага раёна і горада Бабруйска 19 чэрвеня паводле арт. 342 Крымінальнага кодэкса асудзілі адразу трох чалавек. Жыхароў Бабруйска абвінавацілі па «народным» артыкуле за ўдзел у паслявыбарчых акцыях пратэсту ў Мінску ў 2020 годзе.
Палітзняволеную актывістку Галіну Смірнову асудзілі да двух гадоў «хатняй хіміі», Аляксандра Леаненку — да аднаго года і шасці месяцаў «хатняй хіміі», а палітзняволенага Андрэя Сініцу — да трох гадоў «хіміі». Дзяржаўная абвінаваўца запрашвала ў суддзі Вольгі Сераковай для апошняга тры гады калоніі, пра гэта піша «Вясна».
Па справе адбылося адно пасяджэнне. На ім пракурор паспеў запрасіць для палітвязняў тэрміны.
Галіна Смірнова ўтрымлівалася пад вартай з 24 сакавіка 2023 года. Жыхара Бабруйска Андрэя Сініцу затрымалі раніцай 10 сакавіка 2023 года пасля ператрусу. Адразу яго асудзілі да 15 сутак арышту паводле арт. 19.11 КаАП за «распаўсюд экстрэмісцкіх матэрыялаў», пасля якіх на волю ён ужо не выйшаў.
Палітзняволеных Галіну і Андрэя пасля абвяшчэння прысуду вызвалілі ў зале суда.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9
Каментары