Зяленскі прапанаваў змяніць дату Раства і яшчэ двух дзяржаўных святаў
Прэзідэнт Уладзімір Зяленскі прапанаваў змяніць даты святкавання трох дзяржаўных святаў — Калядаў, Дня ўкраінскай дзяржаўнасці і Дня абаронцаў Украіны. Праект закона «Аб унясенні змяненняў у артыкул 73 Кодэкса законаў аб працы Украіны», унесены ім у парламент.
«Мэта законапраекта — адмова ад расійскай спадчыны навязвання святкавання Раства Хрыстова 7 студзеня і ўсталяванне даты святкавання Раства Хрыстова 25 снежня. І, як вынік, перанос дат святкавання Дня ўкраінскай дзяржаўнасці (з 28 ліпеня на 15 ліпеня), калі шануецца памяць выбітнага дзяржаўнага дзеяча святога роўнаапостальнага князя кіеўскага Уладзіміра Вялікага, і Дня абаронцаў і абаронніц Украіны (з 14 кастрычніка на 1 кастрычніка), якое звязана з украінскімі вайсковымі традыцыямі ўшанавання дня Пакрова Прасвятой Багародзіцы».
У тлумачальнай запісцы падкрэсліваецца, што ва ўмовах поўнамаштабнай узброенай агрэсіі Расіі супраць Украіны працягваецца адраджэнне ўкраінскай нацыі, піша «Украінская праўда».
Нагадаем, што Праваслаўная царква Украіны з 1 верасня 2023 года пяройдзе на новаюліянскі каляндар для нерухомых святаў.
Такім чынам, ПЦУ будзе адзначаць Каляды 25 снежня, а не 7 студзеня, Пакроў — 1 кастрычніка, Вадохрышча — 6 студзеня, а Дзень святога Мікалая — 6 снежня. Вялікдзень і прывязаныя да яго даты застануцца ў праваслаўнай пасхаліі, якой карыстаецца ўвесь свет.
Цяпер чытаюць
Арына Сабаленка выйшла да мінчукоў у атачэнні васьмі ахоўнікаў ВІДЭА26
Каментары