Расія вывела практычна ўсіх сваіх вайскоўцаў з Беларусі — Памежная служба Украіны
Расія ў рамках ратацыі вывела практычна ўсіх сваіх вайскоўцаў з Беларусі, дзе яны праходзілі трэніроўкі і падрыхтоўку. Пра гэта паведаміў спікер Дзяржаўнай памежнай службы Украіны Андрэй Дземчанка на брыфінгу ў Кіеве, як піша «Украінская праўда».
«Сітуацыя па мяжы з Беларуссю застаецца цалкам кантраляванай. Па той бок мяжы мы не бачым, каб вораг меў групоўку, неабходную для паўторнага ўварвання ва Украіну. Нягледзячы ні на што, мы павінны быць гатовыя да любога развіцця сітуацыі, бо Беларусь, на жаль, працягвае падтрымліваць Расію ў развязанай ёю вайне супраць Украіны. Расія ў тым ліку выкарыстоўвае Беларусь як пляцоўку або палігон для навучання сваіх падраздзяленняў», — сказаў Дземчанка.
Па яго словах, колькасць расійскіх вайскоўцаў на беларускіх палігонах за апошні час толькі меншала, яшчэ да нядаўняга часу фіксавалася колькасць на ўзроўні да дзвюх тысяч вайскоўцаў, але на гэты момант прайшла чарговая ратацыя і практычна ўсе расійскія вайскоўцы выведзеныя з тэрыторыі Беларусі.
Аднак нельга выключаць, што найбліжэйшым часам на тэрыторыю Беларусі могуць быць зноў заведзены чарговыя падраздзяленні.
Акрамя таго, са слоў Дземчанкі, ДПСУ не назірае арганізаванага ўводу ў Беларусь расійскіх наймітаў прыватных вайсковых кампаній, пра што раней адзначалася, бо Беларусь рыхтавала пляцоўкі для іх дыслакацыі.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары