Зяленскі звольніў пасла Украіны ў Вялікабрытаніі. Пасол нядаўна назваў яго словы «нездаровым сарказмам»
Прэзідэнт Украіны Уладзімір Зяленскі звольніў Вадзіма Прыстайку з пасады пасла Украіны ў Вялікабрытаніі. Адпаведны ўказ №442/2023 быў апублікаваны сёння. Звальненне адбылося пасля таго, як пасол раскрытыкаваў Зяленскага.
![](http://nnexpictures.fra1.digitaloceanspaces.com/img/w732d4webp1/photos/z_2023_07/848-d1edv.png.webp)
Пачалося з таго, што брытанскі міністр абароны Бэн Уолес 12 ліпеня заўважыў, што краіны Захаду хацелі б пачуць ад Украіны словы падзякі за пастаўкі ваеннай тэхнікі замест крытыкі рашэнняў аб адмове прыняць краіну ў склад НАТА паводле паскоранай працэдуры. Пасля гэтага Зяленскі на прэс-канферэнцыі заявіў, што не ведае, як яшчэ можна дзякаваць, і прапанаваў Уолесу напісаць, як гэта трэба рабіць. Украінцы могуць кожную раніцу прачынацца і дзякаваць міністру, сказаў ён. Прыстайка ў інтэрв'ю брытанскаму тэлеканалу Sky News назваў гэтае выказванне ўкраінскага прэзідэнта нездаровым сарказмам. Ён дадаў, што Украіна і Вялікабрытанія не павінны паказваць, што паміж імі ёсць рознагалоссі.
Прыстайка быў паслом у Вялікабрытаніі з 20 ліпеня 2020 года.
Каментары