Траўмаванага ў таджыкскіх гарах беларуса даставілі ў бальніцу Душанбэ
Беларускі альпініст, які атрымаў траўмы, узыходзячы на адну з горных вяршыняў Таджыкістана, на верталёце дастаўлены ў бальніцу Душанбэ. Пра гэта паведаміла МЗС Беларусі.
![](http://nashaniva.com/img/w732d4webp1/photos/z_2023_07/afghanistan-4606216_1280-768gh.jpg.webp)
Фота: kchs.tj
Як удакладнілі ў пасольстве Беларусі ў Таджыкістане, выратаванне беларускага альпініста і яго эвакуацыя ў бальніцу ў Душанбэ прайшлі паспяхова. Адзначаецца, што з горнага масіву ў медустанову беларуса даставілі на выратавальным верталёце.
Выратавальную аперацыю і садзейнічанне ў аказанні дапамогі беларусу правялі супрацоўнікі Камітэта па надзвычайных сітуацыях і грамадзянскай абароне Таджыкістана.
Цяпер стан альпініста здавальняючы, пагрозы ягонаму жыццю, як сцвярджаецца, няма.
Каментары