Завод у Падмаскоўі, дзе сёння прагрымеў выбух, удзельнічаў у распрацоўцы новага самалёта-бамбавіка — «Агентство»
«Загорскі оптыка-механічны завод» у падмаскоўным Сергіевым Пасадзе, на якім 9 жніўня прагрымеў выбух, удзельнічаў у распрацоўцы расейскага «стэлс»-бамбавіка новага пакалення, паведаміла расейскае выданне «Агентство».
«Як сведчыць сайт дзяржзакупак, прадпрыемства не проста працягвае пастаўляць оптыку расейскім сілавікам, але і з 2019 года ўдзельнічае ў распрацоўцы расейскага стратэгічнага бамбавіка-ракетаносца новага пакалення «Пасланнік», — паведамляе «Агентство».
Дзяржкантракты завода перасталі публікавацца амаль адразу пасля пачатку поўнамаштабнага ўварвання РФ ва Украіну — з сакавіка 2022 года, але заключаныя раней кантракты ўсё яшчэ даступныя. Сярод іх ёсць і «выкананне састаўной часткі доследна-канструктарскай работы па тэме шыфр: «Посланник-1ОЕП/Л».
Тэрмін выканання гэтага кантракта — 2027 год, кошт работ — 69 мільёнаў рублёў. Паведамляецца, што заказчык работ − Нацыянальны даследчы інстытут «Экран» (Самара), які займаецца, у прыватнасці, распрацоўкай абсталявання для вайсковай авіяцыі. Галоўны выканаўца праекта — кампанія «Туполев», дзяржзаказчык − Мінабароны Расеі.
У кантракце пазначана, што сачыць за работамі павінны вайсковыя прадстаўніцтвы Мінабароны РФ №1205 (Сергіеў Пасад) і №684 (Самара), якія адказваюць за кантроль якасці і прыёмку прадукцыі для ведамства.
Рэспекты ад дактароў і спецыфіка ў войску. Прынцыпова беларускамоўны юнак расказаў, як ён адслужыў7
Каментары
Аптычны завод. Да бабкі не хадзі, відавочна, што эфект лінзы!