У Оршы мужчыну далі 15 сутак за вокліч «Жыве Беларусь!». Суд не паверыў, што ён выкрыкнуў яго шчыра
У ноч на 6 жніўня мужчына адпачываў у летняй кавярні ў цэнтры Оршы і выгукнуў лозунг «Жыве Беларусь» — ягоныя словы пачулі патрульныя міліцыянты. Што было далей, можна не сумнявацца.
У ноч на 6 жніўня мужчына адпачываў у летняй кавярні ў цэнтры Оршы і выгукнуў лозунг «Жыве Беларусь» — ягоныя словы пачулі патрульныя міліцыянты, піша «Люстэрка».
Раніцай наступнага дня мужчыну затрымалі і выпісалі яму пратакол аб адміністрацыйным правапарушэнні па ч. 1 арт. 24.23 КаАП — нібыта ён «з мэтай публічнага выказвання сваёй грамадска-палітычнай думкі ўзяў удзел у пікетаванні», не маючы дазволу на гэта ад райвыканкама.
Яшчэ праз дзень над мужчынам зладзілі суд. Ён не адмаўляў, што выгукнуў «Жыве Беларусь» на публіцы, аднак заявіў, што зрабіў гэта «не з мэтай выказаць сваё грамадска-палітычнае меркаванне, а з той мэтай, што любіць Рэспубліку Беларусь, таму не лічыць, што сваімі дзеяннямі парушаў заканадаўства і выказваў пратэст супраць улады».
Аднак суд гэтыя довады не пераканалі. Там назвалі словы мужчыны пра любоў да Радзімы «недакладнымі, бо абставіны не адпавядаюць рэчаіснасці», і палічылі, што ён такім чынам проста хоча пазбегнуць адказнасці.
У выніку мужчыну асудзілі да 15 сутак арышту за «незаконнае пікетаванне».
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары