Дзве дзяўчынкі патанулі ў Сенненскім раёне. Яны плавалі на надзіманым матрацы
Трагедыя адбылася ўчора каля 18 гадзін на возеры Леванова паблізу вёскі Адамава Сенненскага раёна.
Калі ратавальнікі прыбылі на месца здарэння, то пабачылі кемпінг на дзве сямʼі.
Высветлілася, што каля 17:35 адзін з мужчын на надзіманым матрацы з трыма дзецьмі адплыў на адлегласць каля 80 м ад берага. У нейкі момант матрац перавярнуўся, і яны апынуліся ў вадзе.
Хлопчыка 2014 года нараджэння выратаваў на лодцы рыбак, які ў гэты момант знаходзіўся недалёка ад месца здарэння.
Вадалазы на адлегласці 70 метраў ад берага і на глыбіні 3 метраў знайшлі цела 9-гадовай дзяўчынкі, а праз 25 хвілін — яе 6-гадовай сястры.
Каментары