Беларусы нечакана аказаліся ў лідарах па працэнтах ухваленых шэнгенскіх віз
Партал SchengenVisaInfo зрабіў цікавую аналітыку па ўхваленні шэнгенскіх віз на душу насельніцтва, а таксама яшчэ раз акцэнтаваў увагу на працэнце адмоў у іх — і Беларусь па апошнім паказчыку апынулася ў лідарах з пазітыўнага боку, піша тэлеграм-канал «Собирай рюкзак».
У Беларусі адмову ў шэнгенскай візе летась атрымалі ўсяго 1,9% заяўнікаў. Гэта 2292 са 120 893 пададзеных заяў.
Для параўнання — у Расіі адмовілі 10% з усіх аплікантаў, 4,9% — у Кувейце, 8,1% — у Казахстане, 12,7% — у Арменіі, 15,5% — у Турцыі, 16,2% — ва Узбекістане, 18% — у Індыі.
Ёсць і лепшыя паказчыкі, чым у Беларусі, напрыклад, у такіх краінах, як Сальвадор, Нікарагуа, Паўднёвы Судан, Лівія, Гватэмала. Там працэнт адмоваў вар'іруецца ад 0 да 1,4%, але колькасць пададзеных заяў усяго ад 2 да 278 чалавек.
Пры гэтым пры падліку выдачы віз на душу насельніцтва ўхваленне атрымаў кожны 80-ы беларус. Лідарам у гэтым паказчыку стаў Кувейт — кожны 31-ы заяўнік з гэтай краіны атрымаў візу.
«Вяселле сарвалася, замест паездкі на мора я пайшла ў міліцыю». Беларусы запісваюцца на візы і месяцамі не могуць дачакацца пашпартоў
Ці проста зрабіць іспанскую візу ў Мінску і на колькі яе выдаюць
«Эпоха гарачых тураў скончылася». У турагенцтвах расказалі, дзе сёлета адпачываюць беларусы і за якія грошы
«Добры варыянт паляцець на Кіпр — набыць квіток ад 70 да 100 еўра». Як правесці адпачынак на Міжземным моры і не пайсці з торбай
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру2
Каментары
Наколькі я заўважыў, пачалі даваць аднаразовыя, пад паездку.
Нягледзячы на гадавыя, якія былі раней