У Гарадку зацвердзілі назву гарадскога сквера перад райвыканкамам
Ён будзе называцца «Вераніцынскі сквер».
Названы ён у гонар Канстанціна Вераніцына, ураджэнца Гарадоччыны, які лічыцца найбойльш імаверным аўтарам сатырычна-гумарыстычнай паэмы «Тарас на Парнасе», напісанай у 1850-я гады, паведамляе тэлеграм-канал «Спадчына».
У скверы яшчэ ў 2014 годзе быў пастаўлены помнік галоўнаму герою паэмы палясоўшчыку Тарасу, так што новая назва цалкам лагічная.
Назва была выбрана шляхам грамадскага абмеркавання ў жніўні гэтага года. Для галасавання было прапанавана восем варыянтаў назвы сквера, у тым ліку і дасланыя мясцовымі жыхарамі. Большасць галасоў (53%) атрымала назва «Вераніцынскі сквер».
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў1
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары