Цыгановы расказалі, што вобшук у іх — розыгрыш пранкера Лексуса. Але гэта не канец гісторыі
Учора ўвечары з'явілася відэа, дзе прадюсар Вадзім Цыганоў расказваў, што да іх з жонкай прыйшлі з вобшукам. Але ўсё аказалася не тым, чым здавалася.
У тэлеграм-канале Вікі Цыгановай з'явілася відэа размовы Вадзіма Цыганова з пранкерам Лексусам.
«Дзякуй, хлопцы, што гэта зрабілі, гэта ўгар. Мы сыгралі добра, ваша каманда працуе на пяць балаў», — сказаў яму Цыганоў.
Але пранкеры пазней у сваім тэлеграм-канале абверглі, што ўдзельнічалі ў гэтым розыгрышы. Гісторыю з ператрусам яны назвалі «трызненнем узрушанай свядомасці». Яны заявілі, што Цыганоў тэлефанаваў, каб падзякаваць за пранк з прэм'еркай Італіі.
Нагадаем, нядаўна сямейная пара, якая падтрымлівае вайну ва Украіне, дала інтэрв'ю папулярнаму расійскаму блогеру Юрыю Дудзю, дзе падзяліліся сваімі канспіралагічнымі тэорыямі. Напрыклад, што яўрэяў будуць перасяляць у Бахмут і ўсё ідзе па плане Далеса (якога ніколі не існавала). Пазней спявачка заявіла, што тое скандальнае інтэрв'ю Дудзю зрабіла нейрасетка.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары