Каля 09:30 у горадзе прагрымела два магутныя выбухі.
Акупанты заявілі аб ракетным абстрэле горада Скадоўск у Херсонскай вобласці. Паводле некаторай інфармацыі, магчывма, ёсць трапленне ў базу расейцаў, паведамляе «Украінская праўда».
Цэнтр нацыянальнага супраціву паведаміў, што каля 09:30 у горадзе прагрымела два магутныя выбухі. Паводле неправеранай інфармацыі, удар прыйшоўся па часовым пункце дыслакацыі аднаго з падраздзяленняў ФСБ. Зараз на месцы траплення працуюць ратавальныя службы.
Дарадца мэра Марыупаля Пятро Андрушчанка паведамляе, што трапленне было ў раёне будынка былога калгаса, вядома пра мінімум 15 параненых і пяць забітых.
В.а. губернатара акупацыйнай адміністрацыі Херсонскай вобласці Уладзімір Сальда таксама заявіў аб ракетным абстрэле Скадоўска. Але па яго словах, вядома толькі пра трапленне ў прыватны сектар.
Каментары