Скандал у расійскай гандбольнай лізе: трэнер-беларус перастаў выпускаць беларуску
У цэнтры скандалу аказалася 21-гадовая беларуска з тальяцінскай «Лады» Аліна Кішко.
Разам з іншай паўсярэдняй расіянкай Вольгай Явон Аліна не трапіла ў заяўку тальяцінак у двух матчах Суперлігі запар — з «Растоў-Донам» і «Астраханачкай». Пры гэтым пра ніякія праблемы са здароўем не паведамлялася. У 10 матчах Кішно закінула 60 мячоў і дзеліць 14-е месца ў спісе бамбардзірак чэмпіянату Расіі. У дзвюх апошніх сустрэчах — з чэмпіёнам ЦСКА — беларуска закінула 16 мячоў, піша betnews.by.
Пікантнасці гісторыі дадае тое, што «Ладу» ўзначальвае беларускі спецыяліст — Дзмітрый Ціхан, вядомы па працы з мужчынскім БГК. У Тальяці гуляюць яшчэ тры беларускі: брамніцы Валянціна Вайтулевіч і Юлія Кунцэвіч, а таксама лінейная Ірына Мокат.
У кулуарах кажуць, што вывядзенне са складу Кішко і Явон звязана з падпісаннем імі кантрактаў на наступны сезон з іншымі камандамі (распаўсюджаная практыка ў гандболе). Па чутках, Аліна можа стаць гульцом іншага расійскага гранда — «Растова-на-Доне».
Кішко ўвайшла ў склад зборнай Беларусі для падрыхтоўкі да таварыскіх матчаў з расіянкамі, якія адбудуцца ў суботу і нядзелю ў мінскім Доме гандбола. Пры гэтым раней галоўны трэнер Валерый Пяўніцкі заяўляў, што гандбалістка знаходзіцца на «каранціне» і «педагагічна-выхаваўчай паўзе».
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна21
Каментары