Сетка крамаў Mile захоўвала ў сябе 33 тысячы копій дакументаў з персанальнымі звесткамі кліентаў
Цэнтр персанальных звестак (ЦПЗ) выявіў факт незаконнай апрацоўкі сканаваных копій.
Ілюстрацыйнае фота: outleto.by
У гэты пералік уваходзілі:
- пасведчанні аб дзяржрэгістрацыі права на аб'ект нерухомасці,
- акты прыёму-перадачы жылога памяшкання прыватнага жыллёвага фонду,
- пашпарты кліентаў.
Копіі названых дакументаў патрабаваліся аператарам для далучэння кліентаў да дысконтнай праграмы і праграмы лаяльнасці сеткі будаўнічых крам «Mile».
ЦПЗ звяртае ўвагу, што неабходнасць прадастаўлення копій дакументаў не прадугледжана заканадаўствам, аб'ём апрацоўваных звестак з'яўляецца залішнім,
аператар парушыў пункт 5 артыкула 4 Закона аб абароне персанальных даных.
На патрабаванне Цэнтра копіі дакументаў былі выдаленыя, а незаконная апрацоўка персанальных даных спынена.
Каментары