Каля ёлак у навагоднюю ноч арганізуюць фільтрацыйныя пункты. Міліцыя распавяла свае правілы «бяспечнага» святкавання
Асноўныя святочныя мерапрыемствы ў навагоднюю ноч у Мінску запланаваны каля Палаца спорту, на Кастрычніцкай плошчы, у Верхнім горадзе і на плошчы Парыжскай Камуны. Як будзе ажыццяўляцца кантроль, расказаў начальнік упраўлення аховы правапарадку і прафілактыкі ГУУС Мінгарвыканкама Сяргей Гарохаў, перадае «Мінск-Навіны». Правілы і лексіка сілавікоў набліжаюцца да ўмоў ваеннага часу.
Як піша выданне, падчас канцэртаў на пляцоўках «традыцыйна будуць працаваць кантрольна-прапускныя і фільтрацыйныя пункты».
Для інвалідаў, ветэранаў і бацькоў з малалетнімі дзецьмі зробяць асобныя кантрольна-прапускныя абʼекты.
Каля «кантрольна-прапускных і фільтрацыйных пунктаў» усталююць камеры захоўвання для рэчаў.
Не дапусцяць да ўдзелу ў навагодніх мерапрыемствах грамадзян, якія маюць пры сабе сродкі персанальнай мабільнасці ці хатніх гадаванцаў.
— Усе месцы правядзення навагодніх мерапрыемстваў мы абследуем з дапамогай сапёрна-піратэхнічных груп і будзем кантраляваць у далейшым.
Да пунктаў вялікай колькасці людзей, якія прыйшлі атрымаць асалоду ад святочнай праграмы, мы наблізім нарады [міліцыі], — распавёў Гарохаў.
-
У Барысаве распрацавалі пажарны танк для самых складаных узгаранняў ФОТЫ
-
КДБ абвесціў затрыманых кнігавыдаўцоў Яўдаху, Багдановіча і Коласа ўдзельнікамі экстрэмісцкага фармавання
-
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею
Каментары