Пажар у Нацыянальнай мастацкай галерэі ў Сухумі знішчыў тысячы карцін
У Сухумі загарэўся будынак цэнтральнай выставачнай залы, у якой размяшчаецца Абхазская нацыянальная карцінная галерэя, паведаміла агенцтва «Апсныпрэс». У пажары згарэлі тысячы карцін.
Будынак загарэўся каля чатырох раніцы. Да сямі раніцы пажар патушылі. Ратавальнікам удалося прадухіліць распаўсюджванне агню на суседнія будынкі, у тым ліку на Рускі і Абхазскі тэатры. «Аднак, паводле папярэдняй інфармацыі, згарэлі тысячы карцін», — гаворыцца ў паведамленні.
«Можна сказаць, усё згарэла… Гэта незаменная страта для нацыянальнай культуры Абхазіі», — сказала часова выконваючая абавязкі міністра культуры Дынара Смыр. Паводле яе слоў, на другім паверсе будынка размяшчаліся фонды Нацыянальнай галерэі, у які ўваходзілі больш за 4 тысячы карцін.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары