Памятаеце, як у Барысаве сабакі «запусцілі» аўто? Вось што магло быць прычынай здарэння
Нядаўна ў Барысаве аўтамабіль уначы самавольна паехаў і ўрэзаўся ў іншы. У машыне пасля ўбачылі кавалак сабачай поўсці і прагрызеныя пад капотам драты. Відэа з камер паказала, што каля аўто бегалі сабакі. Але як яны маглі «завесці» яго?
Відэа здарэння паглядзела некалькі механікаў і сышліся ў меркаванні, што тэхнічна немагчыма, каб прычынай руху аўто сталі сабакі, расказвае АНТ.
«Маторны адсек, дзе няма, як правіла, праводкі — што яны маглі перагрызці? Нават калі перагрызлі, малаімаверна, што машына завядзецца», — разважае Віктар Кожух, дырэктар СТА.
Ён тлумачыць, чаму сабакі ні пры чым.
«Бо мусіць быць заведзены ключ у становішчы запальвання і плюс нейкае замыканне стартэра. Гэта не можа зрабіць сабака ніякім чынам».
Механік мяркуе, што чалавек не паставіў на ручны тормаз механічную каробку перадач і машына пакацілася нейкім чынам.
«Можа быць, у гэты момант знаходзіліся сабакі, збег абставін, спужаліся, запрацавала аварыйка», — дадае ён.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары