На Віцебшчыне затрымалі групу браканьераў. Яны палявалі нават з верталёта
19 чалавек затрымалі сілавікі з дапамогаю спецназа за браканьерства, незаконны абарот агнястрэльнай зброі і боепрыпасаў.
Паводле МУС, падазраваныя незаконна палявалі з выкарыстаннем верталёта ў Віцебскай вобласці, падчас аднаго з такіх паляванняў забілі чырвонакніжнага бурага мядзведзя.
Пры ператрусах па месцы жыхарства затрыманых канфіскаваныя агнястрэльная зброя, боепрыпасы, спецыяльныя прыстасаванні, аўтатранспарт, якія выкарыстоўвалі пры незаконным паляванні.
Распачата крымінальная справа за незаконнае паляванне з выкарыстаннем паветранага транспартнага сродку, якое пацягнула прычыненне шкоды ў асабліва буйным памеры.
Каментары