Суддзя задаволіла запыт Генпракуратуры, Мінюста і Службы інфармацыі і бяспекі.
Гэтыя інстытуты запатрабавалі ўстанаўлення экстрэмісцкага характару сцяга з трыма гарызантальнымі лініямі бел-жоўта-чорнага колеру, які «прапагандуецца Крамлём і Уладзімірам Пуціным як сімвал «новай Расіі», піша point.md.
Выданне падкрэслівае, што ў 2014 годзе гэты сцяг лунаў у Данецку і Луганску, а ў некаторых вайсковых частках ён захоўваецца дагэтуль. Падобныя сцягі таксама выкарыстоўваюцца ў Камраце (прарасійскі рэгіён Гагаузія на поўдні Малдовы) падчас прарасійскіх дэманстрацый.
У кастрычніку 2022 года Венецыянская камісія ўстанавіла, што ўлады Кішынёва паступілі правільна, забараніўшы сімвалы расійскай вайны ва Украіне: георгіеўскую стужку, літары «Z» і «V». Эксперты камісіі прыйшлі да высновы, што закон, які забараняе гэтую сімволіку, адпавядае патрабаванням законнасці, легітымнасці і суразмернасці.
Затым парламент прагаласаваў за забарону на тэрыторыі Рэспублікі Малдова сімвалаў, якія прапагандуюць вайну, — літар «V» і «Z» і георгіеўскай стужачкі. Так, за парушэнне гэтага закона ў Крымінальным кодэксе прадугледжаны штраф 9 тысяч леяў (500 даляраў) і ад 30 да 60 гадзін грамадскіх работ.
Пашпарт Новай Беларусі пачнуць выдаваць з 26 студзеня. Што вядома і як атрымаць?17
Каментары